Krukka eða krús

Könnur, krukkur, krúsir, jafnvel fantar. Það er eitthvað aðeins afslappaðra við drykkjarkönnu en kaffibolla með undirskál. Með auknum vinsældum kaffidrykkja sem þarfnast meira rýmis, eins og til dæmis kaffi latte, kjósa æ fleiri að drekka morgundrykkinn sinn úr könnu frekar en bolla. Svo má ekki gleyma þeim sem vilja helst af öllu drekka te og njóta þess að smakka til nýjar tegundir og fá alveg nýtt bragð. Íste er ekki síður gott úr góðri könnu en háu glasi og það er varla sá drykkur sem ekki á skilið að fá að vera í könnu eða krús - svona til tilbreytingar.