Harrington ekki með á Opna breska

Írski kylfingurinn Padraig Harrington tekur ekki þátt í opna breska meistaramótinu í golfi sem fram fer nú um helgina á St.Andrews vellinum. Faðir Harringtons lést í gær úr krabbameini og sagði talsmaður hans í samtali við fjölmiðla að Harrington vilji nota helgina til að vera með sinni nánustu fjölskyldu. Sæti Harringtons tekur Svíinn Henrik Stenson sem er í 79.sæti heimslistans. Mótið hefst á fimmtudag og verður í beinni útsendingu á sjónvarpsstöðinni Sýn.