Með brækurnar á hælunum 23. ágúst 2005 00:01 Sven-Göran Eriksson er fyrsti erlendi þjálfarinn sem ráðinn er til að taka við enska landsliðinu í knattspyrnu og enginn efast um færni hans á því sviði. Undanfarna mánuði hefur hann þó verið í sviðsljósinu á röngum forsendum vegna samskipta sinna við skrifstofuglyðruna Faria Alam, sem er ein sín liðs að ríða enska knattspyrnusambandinu að fullu - í bókstaflegri merkingu. Faria þessi starfaði á skrifstofu enska knattspyrnusambandsins á sínum tíma og virtist hafa tælt bæði menn og konur til samræðis við sig, en fór svo í mál út af öllu saman. Sven-Göran var einn þeirra heppnu sem fengu að sænga hjá Fariu, sem þrátt fyrir að vera lausgirt, er hið föngulegasta fljóð. Eitthvað virðist konunni þó hafa verið farin að leiðast athyglin sem hún fékk á skrifstofunni, því hún afréð að fara með rúmstokkssögur sínar allar í ensku pressuna, sem át upp hvert orð og birti á síðum sínum - landsliðsþjálfaranum lofaða til mikillar armæðu. Mál þetta hefur lítið verið í fréttum undanfarnar vikur og sviðsljósið hefur aldrei þessu vant verið á axarsköftum þjálfarans á knattspyrnuvellinum, því sem kunnugt er, biðu Englendingar afhroð á Parken í Danmörku gegn sprækum heimamönnum fyrir viku. Kannski hefur Sven-Göran þótt ágæt tilbreyting að vera nú á milli tannana á fólki vegna mistaka tengdum knattspyrnu, en ekki vegna beinlausa bitans á sér. En sjaldan er ein báran stök. Nú hefur títt nefnd Faria látið á sér kræla á ný og í þetta sinn segir hún frá örvæntingarfullum tilraunum þess sænska til að fá sig á stefnumót vestur Ameríku, þegar enska landsliðið var þar við æfingar fyrir skömmu. Það má að vísu deila um það hvort það var af skynsemi eða heigulskap, sem Sven-Göran blés öll herlegheitin af skömmu áður en af þeim átti að verða og bar við ótta við að blöðin kæmust í málið. Téð Faria hefur verið dugleg að hrósa Svíanum fyrir fimi í bólinu og það er kannski ástæða þess að hann heldur ennþá sambandi við hana. Eriksson er ekki mjög fríður maður, heldur þvert á móti með ásjónu sem stöðvað gæti gangverk svissneskrar gauksklukku af um 50 metra færi. Vera má að Eriksson hafi einfaldlega of mikinn frítíma, því starf hans felst varla í öðru en að horfa á leiki þriggja liða í ensku úrvalsdeildinni viku eftir viku, auk þess sem hann bregður sér annað slagið til Spánar í sólina og fylgist með leikmönnum sínum verma varamannanbekk Madrídarliðsins. Englendingum er fjarri því að vera skemmt þegar þeir lesa um vergirni þjálfara síns á síðum dagblaðanna, því eins og allir vita er heimsmeistaramótið í knattspyrnu á næsta leiti og þar sætta enskir sig ekki við neitt annað en sigur frá stjörnum prýddu liði sínu. Því takmarki ná þeir þó ekki undir stjórn Sven-Göran Eriksson, því hann er að hafa enska knattspyrnusambandið að fífli með háttalagi sínu og virðist hafa alla vitræna hugsun í æxlunarfærunum. Baldur Beck - baldur@frettabladid.is Viltu birta grein á Vísi? Sendu okkur póst. Senda grein Gestapennar Í brennidepli Mest lesið Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Glútenlaust gull á grillið Anna Gunndís Guðmundsdóttir Skoðun Heilræði fyrir Nýhaldið Sigmundur Davíð Gunnlaugsson Skoðun „Hæ ástin, þarf að millifæra, getur þú samþykkt beiðnina?“ Heiðrún Jónsdóttir Skoðun Evrópa og myrkrið framundan Hilmar Þór Hilmarsson Skoðun Stundum hefur Gunnar Smári rétt fyrir sér Magnús Árni Skjöld Magnússon Skoðun Af hverju að byggja Coda Terminal? Ólafur Elínarson,Sandra Ósk Snæbjörnsdóttir Skoðun Lokunaruppboð í Kauphöllinni Baldur Thorlacius Skoðun Algeng þvæla um Evrópusambandið Jón Frímann Jónsson Skoðun Hvers vegna getur ein greiðsla á ári frá TR verið góður kostur? Sigurjón Skúlason Skoðun Skoðun Skoðun Stórnotendur eru kjölfestan í íslenska raforkukerfinu Guðríður Eldey Arnardóttir skrifar Skoðun Ert þú í góðu netsambandi? Áslaug Arna Sigurbjörnsdóttir skrifar Skoðun Evrópa og myrkrið framundan Hilmar Þór Hilmarsson skrifar Skoðun Heilræði fyrir Nýhaldið Sigmundur Davíð Gunnlaugsson skrifar Skoðun Glútenlaust gull á grillið Anna Gunndís Guðmundsdóttir skrifar Skoðun Kaupin á eyrinni Hjörtur J. Guðmundsson skrifar Skoðun Lokunaruppboð í Kauphöllinni Baldur Thorlacius skrifar Skoðun Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson skrifar Skoðun Ferðatryggingar og val á kreditkorti Svandís Edda Hólm Jónudóttir skrifar Skoðun Af hverju að byggja Coda Terminal? Ólafur Elínarson,Sandra Ósk Snæbjörnsdóttir skrifar Skoðun Hljóð úr horni Ingólfur Sverrisson skrifar Skoðun ESB fyrir almenning Oddný G. Harðardóttir skrifar Skoðun Strámaðurinn mikli Kristján Hreinsson skrifar Skoðun Árið er 2024 Halla Signý Kristjánsdóttir skrifar Skoðun Samkeppni í nýju ljósi Páll Hermannsson skrifar Skoðun Það er verið að grafa dýpri fátæktargjá Rúnar Sigurjónsson skrifar Skoðun „Hæ ástin, þarf að millifæra, getur þú samþykkt beiðnina?“ Heiðrún Jónsdóttir skrifar Skoðun Algeng þvæla um Evrópusambandið Jón Frímann Jónsson skrifar Skoðun Stundum hefur Gunnar Smári rétt fyrir sér Magnús Árni Skjöld Magnússon skrifar Skoðun Hamingjan grundvallast á gæðum hugsananna Árni Már Jensson skrifar Skoðun Hátt reitt til höggs Hjálmar Jónsson skrifar Skoðun Brennt barn forðast eldinn Hrefna Sigurjónsdóttir skrifar Skoðun Varnir gegn gagnagíslatökum Unnur Kristín Sveinbjarnardóttir skrifar Skoðun Uppbygging almannahagsmuna á Íslandi Hlynur Már Vilhjálmsson skrifar Skoðun Málað sig út í horn Hjörtur J. Guðmundsson skrifar Skoðun Full orkuskipti ríkisflota og samgönguþjónustu fyrir 2030 Sigurður Friðleifsson skrifar Skoðun Einelti er veruleikabrenglun Matthildur Björnsdóttir skrifar Skoðun „Lýtalaus íslenska“ er ekki til Eiríkur Rögnvaldsson skrifar Skoðun Hvatning til mótshaldara Landsmóts hestamanna Linda Karen Gunnarsdóttir skrifar Skoðun Áróður Kremls gegn Úkraínu og NATO Guðni Freyr Öfjörð skrifar Sjá meira
Sven-Göran Eriksson er fyrsti erlendi þjálfarinn sem ráðinn er til að taka við enska landsliðinu í knattspyrnu og enginn efast um færni hans á því sviði. Undanfarna mánuði hefur hann þó verið í sviðsljósinu á röngum forsendum vegna samskipta sinna við skrifstofuglyðruna Faria Alam, sem er ein sín liðs að ríða enska knattspyrnusambandinu að fullu - í bókstaflegri merkingu. Faria þessi starfaði á skrifstofu enska knattspyrnusambandsins á sínum tíma og virtist hafa tælt bæði menn og konur til samræðis við sig, en fór svo í mál út af öllu saman. Sven-Göran var einn þeirra heppnu sem fengu að sænga hjá Fariu, sem þrátt fyrir að vera lausgirt, er hið föngulegasta fljóð. Eitthvað virðist konunni þó hafa verið farin að leiðast athyglin sem hún fékk á skrifstofunni, því hún afréð að fara með rúmstokkssögur sínar allar í ensku pressuna, sem át upp hvert orð og birti á síðum sínum - landsliðsþjálfaranum lofaða til mikillar armæðu. Mál þetta hefur lítið verið í fréttum undanfarnar vikur og sviðsljósið hefur aldrei þessu vant verið á axarsköftum þjálfarans á knattspyrnuvellinum, því sem kunnugt er, biðu Englendingar afhroð á Parken í Danmörku gegn sprækum heimamönnum fyrir viku. Kannski hefur Sven-Göran þótt ágæt tilbreyting að vera nú á milli tannana á fólki vegna mistaka tengdum knattspyrnu, en ekki vegna beinlausa bitans á sér. En sjaldan er ein báran stök. Nú hefur títt nefnd Faria látið á sér kræla á ný og í þetta sinn segir hún frá örvæntingarfullum tilraunum þess sænska til að fá sig á stefnumót vestur Ameríku, þegar enska landsliðið var þar við æfingar fyrir skömmu. Það má að vísu deila um það hvort það var af skynsemi eða heigulskap, sem Sven-Göran blés öll herlegheitin af skömmu áður en af þeim átti að verða og bar við ótta við að blöðin kæmust í málið. Téð Faria hefur verið dugleg að hrósa Svíanum fyrir fimi í bólinu og það er kannski ástæða þess að hann heldur ennþá sambandi við hana. Eriksson er ekki mjög fríður maður, heldur þvert á móti með ásjónu sem stöðvað gæti gangverk svissneskrar gauksklukku af um 50 metra færi. Vera má að Eriksson hafi einfaldlega of mikinn frítíma, því starf hans felst varla í öðru en að horfa á leiki þriggja liða í ensku úrvalsdeildinni viku eftir viku, auk þess sem hann bregður sér annað slagið til Spánar í sólina og fylgist með leikmönnum sínum verma varamannanbekk Madrídarliðsins. Englendingum er fjarri því að vera skemmt þegar þeir lesa um vergirni þjálfara síns á síðum dagblaðanna, því eins og allir vita er heimsmeistaramótið í knattspyrnu á næsta leiti og þar sætta enskir sig ekki við neitt annað en sigur frá stjörnum prýddu liði sínu. Því takmarki ná þeir þó ekki undir stjórn Sven-Göran Eriksson, því hann er að hafa enska knattspyrnusambandið að fífli með háttalagi sínu og virðist hafa alla vitræna hugsun í æxlunarfærunum. Baldur Beck - baldur@frettabladid.is
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Skoðun Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson skrifar
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun