Comolli til Tottenham

Tottenham Hotspurs hefur ráðið til sín Frakkann Damien Comolli, sem gegna mun starfi yfirmanns knattspyrnumála hjá félaginu og tekur við starfi Danans Frank Arnesen, sem var rekinn frá félaginu fyrir óhollustu á sínum tíma. Comolli þessi er aðeins 33ja ára gamall og hefur gegnt svipuðu starfi hjá franska félaginu St. Etienne fram að þessu. "Ég er mjög spenntur að hefja störf hjá Tottenham Hotspur og hlakka til að vinna með Martin Jol og félögum í brúnni. Ég mun gera allt sem í mínu valdi stendur svo að Tottenham verði á meðal þeirra bestu í framtíðinni," sagði Frakkinn.