Birtist víða

Heilög María hefur enn einu sinni skotið upp kollinum í Bandaríkjunum, að þessu sinni á botninum á blómavasa.

Joe Hernandes, sem býr í Texas, var að hreinsa litla fiskitjörn þegar hann rak sig í blómavasa sem stóð á bakka hennar. Blómavasinn fór á hvolf út í tjörnina; og sjá, á botni hans blasti María mey við Joe. Allavega er hann ekki í neinum vafa um að þetta sé heilög María. Fólk víða um heim hefur talið sig sjá ýmsar helgimyndir í ótrúlegustu hlutum, og í dag var einmitt skýrt frá því að einum slíkum hafi verið stolið. Það var rúnstykki með mynd af Móður Theresu.