Skoska stúlkan farin til Skotlands

 Hæstiréttur í Pakistan úrskurðaði í gær að tólf ára gömul skosk stúlka, Molly Campbell, sem einnig gengur undir nafninu Misbah Iram Ahmed Rana, eigi að fara til móður sinnar í Skotlandi. Föður hennar í Pakistan er gert að afhenda hana breskum yfirvöldum innan viku.

Móðir stúlkunnar, sem er skosk, fékk forræði yfir henni árið 2005 og segir að faðir hennar, sem er pakistanskur, hafi flutt hana ólöglega frá Skotlandi til Pakistan.

Sjálf segist stúlkan vilja búa hjá föður sínum. Lögfræðingur hennar segir að málinu verði áfrýjað.