Bolton yfir gegn Liverpool

Nú er kominn hálfleikur í leikjunum fimm sem standa yfir í ensku úrvalsdeildinni í knattpspyrnu. Bolton hefur yfir 1-0 gegn Liverpool á heimavelli sínum og það var Jaidi sem skoraði mark heimamanna á 10. mínútu. Liverpool hefur sótt hart að marki Bolton í kjölfarið, en hefur ekki haft erindi sem erfiði enn sem komið er.

Birmingham hefur yfir 2-0 gegn Wigan, þar sem Pennant og Melchiot skoruðu um miðjan fyrri hálfleikinn.  Everton hefur yfir 2-1 gegn Charlton. James Beattie kom Everton yfir úr víti á 9. mínútu, en Matt Holland jafnaði metin á þeirri 18. Það var svo Tim Cahill sem kom Everton aftur yfir á 41. mínútu.

Staðan hjá Fulham og Sunderland er jöfn 1-1. Lawrence kom gestunum yfir, en Collins John jafnaði fyrir Fulham tveimur mínútum fyrir leikhlé. Þá hefur Newcastle yfir 1-0 gegn Middlesbrough, þar sem Nolberto Solano skoraði mark Newcastle eftir 27 mínútna leik.