Souness orðinn leiður á meiðslunum

Graeme Souness, stjóri Newcastle, á ekki orð yfir öllum meiðslunum sem hrjá lið hans um þessar mundir, en hann á í nokkrum erfiðleikum með að stilla upp sterku liði um þessar mundir, aðallega vegna meiðsla lykilmanna.

Þeir Stephen Carr, Michael Owen, Shola Ameobi, Kieron Dyer, Emre, Steven Taylor og Craig Moore eru allir meiddir og þá er Lee Bowyer að taka út leikbann um þessar mundir.

"Taktu hvaða lið sem er í deildinni, Manchester United, Chelsea eða Arsenal. Öll þessi lið mundu svo sannarlega finna fyrir því ef einhverjir af sex betri leikmönnum þeirra væru á meiðslalista í lengri tíma," sagði Souness, sem er búinn að fá alveg nóg af meiðslum á þessu tímabili.