Stjarnan lagði Víking

Þrír leikir fóru fram í DHL-deild kvenna í handbolta nú síðdegis. Stjarnan sigraði Víking 24-18 á heimavelli sínum í Ásgarði. Rakel Dögg Bragadóttir var markahæst í liði Stjörnunnar með 6 mörk, en Natasha Damiljanovic skoraði 5 fyrir Víking.

Framstúlkur unnu sigur á KA/Þór 32-26. Anett Köbli skoraði 14 mörk fyrir Fram og Inga Dís Sigurðardóttir skoraði 11 mörk fyrir KA/Þór. Loks vann FH útisigur á HK 34-28. Aukse Vysniauskaite skoraði níu mörk fyrir HK, en Ásdís Sigurðardóttir skoraði átta mörk fyrir FH.