Sutton mun gera fína hluti hjá Birmingham

Framherjinn Emile Heskey hjá Birmingham segist þess fullviss að fyrrum landsliðsmaðurinn Chris Sutton eigi eftir að smella vel inn í liðið eftir að hann var keyptur frá Glasgow Celtic og segir að kaupin á Sutton sýni að félagið ætli sér stóra hluti í framtíðinni.

"Chris hefur allt til brunns að bera sem góður framherji þarf að hafa. Þú kemst ekki í enska landsliðið og Celtic án þess að vera góður framherji. Við þurfum reynda sóknarmenn sem kunna að skora mörk og leggja hart að sér og ég tel að kaup Birmingham á Sutton undirstriki það að félaginu er alvara í deildinni," sagði Heskey.