Skorar á Walcott að koma til Arsenal

Franski framherjinn Thierry Henry lætur ekki sitt eftir liggja í að reyna að hjálpa forráðamönnum Arsenal að lokka unglinginn Theo Walcott til félagsins frá Southampton. Talið er að slagurinn um framherjann unga standi á milli Arsenal, Tottenham, Chelsea, Liverpool og Manchester United.

"Það eru mörg lið á höttunum eftir honum og margir hafa líkt okkur saman. Ég held að Theo gæti orðið góð viðbót við lið okkar og ég mundi fagna því að fá hann til Arsenal. Ég hef séð hann spila og mér sýnst hann hafa góða blöndu hraða og tækni," sagði Thierry Henry.