Lofum engum sæti í liðinu

Martin Jol, stjóri Tottenham, hefur viðurkennt að honum þyki súrt að missa af þeim Wayne Bridge og Theo Walcott til Fulham og Arsenal eins og útlit er fyrir, en Tottenham hafði mikinn áhuga á að fá báða þessa leikmenn í sínar raðir.

"Fólk þekkir orðið stefnu okkar, við viljum reyna að safna að okkur bestu ungu leikmönnunum á Englandi og Walcott er líklega einn sá besti í landinu í sínum aldursflokki. Við erum vissulega vonsviknir að missa af þessum leikmönnum, en við stundum ekki að lofa leikmönnum sæti í liði okkar ef þeir koma til okkar. Bridge er góður leikmaður, en ef einhvert annað lið getur lofað honum sæti í byrjunarliðinu, getum við ekki keppt við það," sagði Hollendingurinn.