Keflavík sló KR út

8 liða úrslitum bikarkeppni KKÍ og Lýsingar í körfubolta lauk í kvöld með þremur leikjum. Bikarmeistarar Njaðvíkur komust áfram í undanúrslitin með því að sigra Snæfell á útivelli, 94-98 og Keflvíkingar gjörsigruðu KR á útivelli, 74-98.

Þá komst Skallagrímur áfram með 93-81 sigri á Þór frá Akureyri en leikið var í Borgarnesi.

Það verða því Keflavík, Njarðvík, Skallagrímur og Grindavík sem verða í hattinum þegar dregið verður í undanúrslitin en Grindvíkingar slógu Hamar/Selfoss út í gær laugardag.