KR á nú tvo yngstu marka­skorara sögunnar

Fannar er nú sá næstyngsti en á laugardaginn var hann aðeins fimmtán ára, sex mánaða og sautján daga. Hann er fæddur í aprílmánuði árið 2011.

Fannar hafði komið við sögu í fimm öðrum leikjum í Bestu deildinni en skoraði nú sitt fyrsta mark í deildinni. Hann er enn að spila með 3. flokki KR. Markið má sjá í myndbandinu hér fyrir neðan eins og öll mörkin úr þessum markaleik í Vesturbænum.

KR á því tvo yngstu markaskorarana í sögu efstu deildar karla því Alexander Rafn Pálmason eignaðist metið í maí 2025 og hefur átt það síðan.

Alexander Rafn sló 31 árs gamalt met Eiðs Smára á sínum tíma en í sumar hafa tveir leikmenn komist á milli Alexanders og Eiðs.

Blikinn Arnar Bjarki Gunnleifsson hafði fyrr í sumar orðið næstyngsti markaskorarinn þegar hann skoraði fyrir Breiðablik í 3-1 sigri á KA í júní. Nú dettur Arnar Bjarki niður í þriðja sætið á þessum lista.

Þriðji KR-ingurinn meðal sjö yngstu markaskoraranna er síðan Sigurdur Breki Kárason, sem var sextán ára rúmlega fimm mánaða þegar hann skoraði fyrir KR á móti Blikum fyrr í sumar. Sigurdur Breki var með tvö mörk og fjórar stoðsendingar í Blikasigrinum um síðustu helgi.

Allir þessir þrír komust upp fyrir Ingólf Sigurðsson sem átti KR-metið í næstum því sextán ár en hann var sextán ára og rúmlega sex mánaða þegar hann skoraði fyrir KR sumarið 2009.