Super Aguri verður ellefta liðið

Alþjóða akstursíþróttasambandið, FIA, samþykkti í dag formlega að veita liði Super Aguri keppnisrétt í Formúlu 1 á næsta keppnistímabili og verður liðið því það ellefta sem keppir um heimsmeistaratitilinn í ár.

Liðið mun keppa með Honda-vélar og verður þetta í fyrsta skipti síðan árið 2002 sem ellefu lið keppa í Formúlu 1. "Ég er þakklátur fyrir allan þann stuðning sem lið okkar hefur fengið frá hinum keppnisliðunum og hlakka til að mæta þeim á brautinni í Bahrain," sagði Aguri Susuki, yfirmaður liðsins.