Fulham lagði Tottenham

Heiðar Helguson og félagar í Fulham unnu góðan sigur á grönnum sínum í Tottenham í ensku úrvalsdeildinni í kvöld 1-0. Það var Carlos Bocanegra sem skoraði sigurmarkið á lokamínútu leiksins. Heiðar lék allan leikinn með Fulham og fékk reyndar að líta gula spjaldið, en Michael Dawson hjá Tottenham var vikið af leikvelli á 73. mínútu með sitt annað gula spjald fyrir að brjóta á Heiðari.

Middlesbrough vann auðveldan sigur á botnliði Sunderland á útivelli 3-0, Wigan og Everton skildu jöfn 1-1 og markalaust var hjá Charlton og West Brom.