Gæti fengið tvöfalt bann

Framherjinn skapmikli hjá Everton, Duncan Ferguson, gæti nú átt yfir höfði sér lengra bann en það sem hann fær fyrir rauða spjaldið sem hann fékk að líta í leik Everton og Wigan á þriðjdagskvöldið.

Ferguson fékk að líta rauða spjaldið fyrir að kýla einn mótherja sinn í magann, en á myndbandi sést hvar hann danglar höndinni í andlit annars manns skömmu síðar. Duncan hefur verið gefinn frestur til að svara fyrir sig í málinu, en fari allt á versta veg hjá honum, má hann ekki spila aftur með Everton fyrr en í mars.