Chelsea á höttunum eftir Adu

Englandsmeistarar Chelsea hafa ekki gefið upp alla von um að lokka unglinginn Freddy Adu til sín frá Bandaríkjunum þar sem hann leikur með DC United, en Manchester United hefur einnig leitast við að fá hinn 16 ára gamla leikmann í sínar raðir.

Adu er fæddur í Gana og er sannkallað undrabarn. Forráðamenn Chelsea eru vongóðir um að geta krækt í strákinn, en umboðsmaður hans segir að aldur hans geri það að verkum að ekki verði farið út í neinar viðræður nema að vel ígrunduðu máli.