Toney vill berjasti við Lewis

Hnefaleikarinn James Toney segist þess fullviss að hann geti lokkað fyrrum heimsmeistarann Lennox Lewis til að taka hanskana fram að nýju til að berjast við sig ef hann nær að vinna Hasim Rahman í titilbardaga þeirra í næsta mánuði.

"Takmark mitt í dag er að berjast við Lennox Lewis. Ég virði Lewis, hann er frábær hnefaleikari, en hann er ekki jafn góður og ég," sagði Toney digurbarkalega í viðtali við breska sjónvarpið.

Toney er 37 ára gamall og sigraði John Ruiz í apríl í fyrra í bardaga um WBC-beltið, en var síðar sviptur titlinum eftir að hafa fallið á lyfjaprófi. Toney er ekki fyrsti maðurinn sem skorar á hinn fertuga Lewis að taka fram hanskana að nýju, en enn sem komið er hefur það ekki gerst og ekki laust við að sé hálfgerð gúrkutíð í þungavigtinni í dag.