Afskrifar annað sætið

Arsene Wenger hefur útilokað að lið hans nái að vera með í baráttunni um annað sætið í ensku úrvalsdeildinni eftir tapið gegn Liverpool á Anfield í gærkvöldi. Hann vill þó meina að sínir menn muni gera harða atlögu að 3-4 sætinu og er viss um að liðið nái sér á strik fljótlega.

"Við getum afskrifað annað sætið, sem gefur okkur sjálfkrafa sæti í Meistaradeildinni, en ég tel liðið eiga fullt erindi í að berjast um 3-4 sætið þó það verði erfitt. Mér finnst bara vanta sjáfstraust í liðið í augnablikinu og það er farið að hafa áhrif á bæði eldri og yngri leikmennina í hópnum," sagði Wenger.