Robinson sýndi bestu tilþrifin

Nate Robinson, nýliði New York Knicks, sigraði í troðslukeppni NBA sem haldin er árlega í kringum Stjörnuleikinn sem fer fram í Houston í nótt. Leikurinn hefst klukkan 1.30 og verður í beinni útsendingu á Sýn.

Mörg stórglæsileg tilþrif sáust í troðslukeppninni en keppnin snerist fljótlega upp í einvígi á milli Ribinson og Andre Iguodala leikmanns Philadelphia 76ers. Máltækið segir margur er knár þótt hann sé smár og það sannaði Robinson er hann er aðeins 175 sentimetrar á hæð en stökkkraftur hans er með ólíkindum.

Að lokum fór það svo að Robinson var kjörinn sigurvegari en hann er nýliði í NBA deildinni.