Neitar ásökunum um kynþáttafordóma

Steve Finnan hjá Liverpool vísar á bug ásökunum á hendur honum eftir leik Liverpool og Manchester United í ensku úrvalsdeildinni á dögunum, þar sem áhorfendur sögðustu hafa heyrt hann hrópa ókvæðisorð af Patrice Evra, leikmanni Manchester United.

Mál þetta er sem stendur í rannsókn hjá lögreglunni í Manchester, en Finnan segist hneykslaður yfir því að vera borinn þessum sökum. "Þetta er algjörlega út í hött og ég verð að segja að ég trúði því ekki þegar ég heyrði af þessu. Ég mundi aldrei beina kynþáttafordómum í garð andstæðings míns á vellinum og ég er sár yfir þessum ásökunum," sagði Finnan. "Ég sagði alls ekki það sem haft er eftir mér - það er allt hrein og klár lygi," sagði Finnan.