Tottenham í 5 stiga forskot á Arsenal

Tottenham gefur ekkert eftir í baráttunni um Meistaradeildarsæti en Robbie Keane var hetja liðsins sem lagði Blackburn, 3-2 í spennando leik á White Hart Lane nú síðdegis. Keane skoraði tvívegis í fyrri hálfleik og kom heimamönnum í 2-0 áður en gestirnir náðu að jafna með mörkum frá Florent Sinama Pongolle og Craig Bellamy.

Það var hins vegar egypski útlaginn Ahmed Mido sem tryggði Tottenham stigin þrjú þegar hann skoraði sigurmarkið á 70. mínútu og Spurs eru nú í 4. sæti með 49 stig, fimm stiga forskot á Arsenal. Blackburn er í 6. sæti með 43 stig og hefði því með sigri getað jafnað Tottenham að stigum.