Nistelrooy er okkur ómetanlegur

Aðstoðarknattspyrnustjóri Manchester United segir að Ruud Van Nistelrooy sé liðinu afar mikilvægur þrátt fyrir að framherjinn hafi verið á varamannabekk liðsins í undanförnum leikjum. Þetta hefur orðið til þess að orðrómur hefur komist á kreik um að Hollendingurinn sé á förum frá Manchester United.

"Ruud er gríðarlega mikilvægur leikmaður fyrir okkur og hann er partur af öllum okkar framtíðaráformum. Ruud er partur af fjölskyldunni ef svo má segja og það er sama hvort hann byrjar inná eða kemur af bekknum. Það eru áræðanlega 50 lið þarna úti sem vilja fá hann til sín, en liðið sem þarf hann mest af öllum er Manchester United," sagði Qeiros.