Enn er Nistelrooy á bekknum

Ruud van Nistelrooy er nú á varamannabekk Manchester United fjórða leikinn í röð en liðið er nú í heimsókn hjá W.B.A. í ensku úrvalsdeildinni í knattspyrnu og hófust sex leikir í deildinni nú kl. 15. Ruud hefur verið frystur út úr byrjunarliðinu síðan Man Utd vann deildarbikarinn þegar liðið vann Wigan í úrslitaleiknum í Cardiff í síðasta mánuði.

Nistelrooy hefur af þessu tilefni verið talsvert í umræðunni í enskum fjölmiðlum undanfarna daga og jafnvel sagður á leið frá félaginu í sumar. Hans í stað er Louis Saha í framlínunni ásamt Wayne Rooney.

Hermann Hreiðarsson er að vanda í byrjunarliðinu hjá Charlton sem er í heimsókn á Highbury gegn Arsenal. Aðrir leikir sem nú standa yfir eru viðureignir;

Blackburn - Middlesbrough

Man City - Wigan

Bolton - Sunderland

West Ham - Portsmouth

og kl. 17:15 hefst leikur Birmingham og Tottenham.