Stjórnin stendur enn á bak við Steve Bruce

Stjórn úrvalsdeildarliðs Birmingham stendur enn fast við bakið á knattspyrnustjóra sínum Steve Bruce þrátt fyrir stórtap liðsins gegn Liverpool í enska bikarnum í gær.

"Við ræddum við Steve eftir leikinn og hann er staðráðinn í að gera allt sem í hans valdi stendur til að halda liðinu í úrvalsdeildinni. Það þýðir ekkert að reka knattspyrnustjórann út af einum slæmum úrslitum. Það eru níu leikir eftir í úrvalsdeildinni og vonandi fer liðinu að ganga betur þegar það fær fleiri menn til baka úr meiðslum," sagði David Sullivan, einn af eigendum Birmingham.