Chelsea burstaði West Ham

Chelsea vann sannfærandi sigur á grönnum sínum í West Ham í ensku úrvalsdeildinni í dag þrátt fyrir að vera manni færri nær allan leikinn. Maniche var vikið af leikvelli á 16. mínútu en áður hafði Collins komið gestunum í West Ham í 1-0. Chelsea tvíefldist við mótlætið og sigraði 4-1 með mörkum frá Drogba, Gallas, Crespo og Terry og heldur sínu striki á toppi deildarinnar.

Liverpool lagði Bolton 1-0 með marki frá afmælisbarninu Robbie Fowler sem skoraði eftir sendingu frá Peter Crouch á 45. mínútu.

Newcastle lagði Middlesbrough 2-1 á útivelli. Boateng skoraði mark Boro en skoraði líka eitt sjálfsmar fyrir Newcastle og Ameobi var einnig á skotskónum fyrir Newcastle.

Aston Villa og West Brom gerðu markalaust jafntefli á Villa Park.