Owen ætlar að spila á laugardaginn

Framherjinn Michael Owen stefnir á að verða í liði Newcastle á laugardaginn þegar það mætir Birmingham í næst síðasta leik sínum í deildinni í vor. Owen hefur náð að æfa vel í vikunni án þess að kenna sér meins í ökklanum og reynir nú að sanna sig fyrir Sven-Göran Eriksson á lokasprettinu til að vinna sér sæti í enska landsliðinu.

"Æfingarnar í vikunni hafa gengið framar öllum vonum. Ég hef ekkert fundið til eins og ég bjóst við og því á ég von á að verða tilbúinn í slaginn um helgina," sagði Owen.