Við erum bestir

Jose Mourinho sagði það frábæra tilfinningu að vera búinn að gera Chelsea að Englandsmeisturum annað árið í röð eftirað lið hans lagði Manchester United örugglega í dag, en bætti við að titilbaráttan hefði verið allt öðruvísi í ár en í fyrra.

"Þetta er fjórða árið í röð sem ég vinn titil ef við teljum Porto með og það er frábær tilfinning að vinna. Einhverntíman kemur að því að við verðum ekki meistarar, en við vorum besta liðið á Englandi á þessari leiktíð," sagði Mourinho.

"Tímabilið í fyrra var allt öðruvísi, því þó við héldum 7-8 stiga forskoti á toppnum - trúði enginn að við gætum unnið deildina. Á þessari leiktíð voru hinsvegar allir búnir að ákveða að við yrðum meistarar þegar United og Liverpool byrjuðu illa, svo það var öðruvísi áskorun fyrir okkur að klára mótið núna," sagði Mourinho.