Okkur var ekki ætlað að halda okkur uppi

Steve Bruce, stjóri Birmingham, var að vonum daufur í dálkinn eftir að hans menn gerður markalaust jafntefli við Newcastle á heimavellinum sínum í dag og það þýddi að liðið er fallið í 1. deildina.

"Við vissum allan tímann að þetta yrði erfitt verkefni og okkur var ekki ætlað að halda okkur uppi að þessu sinni. Ég hélt að við værum nógu góðir til að halda okkur í þessari deild, en því miður fyrir frábæra stuðningsmenn okkar - ollum við þeim miklum vonbrigðum í vetur.

Það er því verðugt verkefni framundan fyrir mig eða hver sem það verður að koma liðinu aftur á meðal þeirra bestu - því að mínu mati á Birmingham heima í úrvalsdeildinni," sagði Bruce og bætti við að líklega yrði fundað um framtíð hans fljótlega og þá kæmi í ljós hvort hann héldi áfram sem knattspyrnustjóri.