Roader fær undanþágu

Nú stendur fátt í vegi fyrir því að Glenn Roader fái að taka við stjórn Newcastle eftir allt saman, en beiðni félagsins um að vita honum undanþágu sem knattspyrnustjóra var hafnað á dögunum. Roader hefur ekki tilskilin leyfi til að stýra liði í úrvalsdeildinni, en stjórnarformaður Newcastle hefur nú hlotið stuðning kollega sinna í deildinni um að hleypa Roader að og mun hann afla sér tilskilinna réttinda meðfram starfi sínu sem knattspyrnustjóri.

Tilkynnt verður um formlega ráðningu Roader eftir helgina, en þó málið líti út fyrir að hafa hlotið farsælan endi hjá Newcastle, voru ekki allir á eitt sáttir með að Roader skuli hafa fengið undanþágu þessa.