Beckham upp að hlið Robson

David Beckham lék í dag sinn 90. landsleik fyrir hönd Englands og komst þar með upp að hlið annars fyrrum leikmanns Manchester United og fyrirliða enska landsliðsins, Bryan Robson. Þá urðu þeir Beckham og Michael Owen áttundi og níundi leikmennirnir í sögu enska landsliðsins til að taka þátt í sinni þriðju heimsmeistarakeppni.

Markvörðurinn Peter Shilton er leikjahæsti maður enska landsliðsins frá upphafi með 125 leik, Bobby Moore spilaði 108 leiki, Bobby Charlton 106, Billy Wright 105 og þeir Beckham og Robson koma næstir með 90 leiki.