Getum vonandi strítt Englendingum

Stern John verður einn í framlínu Trinidad og Tobago þegar liðið tekur á móti Englendingum í Nurnberg á fimmtudaginn. Trinidad er þegar orðið eitt af spútnikliðunum í keppninni eftir jafntefli við Svía.

"Við vitum að leikurinn við Englendinga verður ákaflega erfiður og maður er aldrei betri en síðasti leikur gaf til kynna. Við vonum að við getum byggt á leiknum við Svía og ég held að við höfum unnið eitthvað af áhorfendunum á okkar band í þeim leik. Fólk um allan heim er farið að tala um lið Trinidad og Tobago," sagði John.