Franck Ribery í byrjunarliði Frakka

Þjálfari Frakka Raymond Domenech hefur tilkynnt lið sitt fyrir leikinn á móti Svisslendingum. Uppstillingin er nákvæmlega eins og franska blaðið L'Equipe greindi frá í dag.

Blaðamaður blaðsins hafði njósnað á lokaðri æfingu franska liðsins og las hann byrjunarliðið út úr æfingunni.

Liðið er þannig að Henry er einn frammi með þá Zidane, Wiltord og Ribery fyrir aftan sig. Þar fyrir aftan koma Makelele og Viera sem varnartengiliðir. Í vörninni eru Sagnol og Abidal í bakvarðastöðunum og Thuram og Gallas eru miðverðir. Barthez er markvörður liðsins sem leikur 4-2-3-1 leikaðfeð.

Svisslendingar glíma við mikil meiðsli en reikna má með að Philippe Senederos, Marco Streller og Valon Behrami geti allir leikið eftir að hafa verið meiddir.