Koller klár í 16 liða úrslit

Jan Koller, framherji Tékklands, er bjartsýnn á að geta spilað meira fyrir Tékka á HM. Koller tognaði á læri í leik Tékklands og Bandaríkjanna í dag og var búist við því að hann yrði ekki meira með á mótinu.

Læknisskoðun leiddi hinsvegar í ljós að meiðslin vour ekki eins alvarleg og í fyrstu var talið og verður Koller því með Tékkum, fari svo að þeir komist upp úr riðlinum.

"Ég verð að hvíla í 4 daga og það þýðir að ég verð væntanlega ekki með í leikjunum í riðlinum, en ég verð vonandi klár í 16-liða úrslitin," sagði Jan Koller.