Hefur engar áhyggjur af Ronaldo

Alex Ferguson hefur engar áhyggjur af skrifum spænsku blaðanna að undanförnu, en forsetakosningarnar hjá Real Madrid hafa valdið nokkru fjaðrafoki á Englandi eftir að hver forsetaframbjóðandinn á eftir öðrum lofað að fá heimsklassa leikmenn til félagsins, nái hann kjöri um helgina.

"Það eru engin vandamál með Cristiano Ronaldo og ég á ekki von á því að þau komi neitt upp. Við erum orðnir vanir því að vera skotmark forsetaframbjóðenda á Spáni þegar líður að kosningum og því erum við ekkert að æsa okkur yfir þessum fréttaflutningi," sagði Alex Ferguson í samtali við sjónvarpsstöð félagsins.