Ronaldo og Figo tæpir?

Nokkrar spurningar hafa vaknað um þáttöku þeirra Luis Figo og Cristiano Ronaldo í undanúrslitaleiknum við Frakka á morgun, því hvorugur þeirra æfði með liðinu í dag, heldur tóku þeir létta æfingu sitt í hvoru lagi í Munchen.

Ronaldo meiddist í leiknum við Hollendinga á dögunum, en var þó með gegn Englendingum um helgina. Ljóst er að það yrði portúgalska liðinu nokkuð áfall ef annar þeirra gæti ekki verið með, en góðu fréttirnar eru þær að þeir miðjumennirnir Costinha og Deco snúa báðir aftur í liðið eftir leikbann á morgun.