Gonzalez loksins kominn með atvinnuleyfi

Liverpool hefur loksins fengið atvinnuleyfi fyrir vængmanninn Mark Gonzalez frá Chile, einu ári eftir að félagið festi kaup á honum. Ekki tókst að fá atvinnuleyfi fyrir hann á sínum tíma, því landslið Chile þótti ekki standa nógu hátt á styrkleikalista FIFA.  Rafa Benitez, stjóri Liverpool, er í skýjunum yfir nýja leikmanninum.

"Það eru frábærar fréttir að hann skuli loks vera klár í slaginn og ég fullvissa stuðningsmenn okkar um að þeim á eftir að líka mjög vel við það sem þeir fá að sjá frá honum."