Neitar ásökunum Zidane

Ítalski varnarmaðurinn Marco Materazzi neitar því að hafa sagt ljóta hluti um móður Zinedine Zidane í úrslitaleiknum á HM eins og Zidane hélt fram í franska sjónvarpinu nú undir kvöld. Materazzi segist sjálfur hafa misst móður sína ungur og segir að Zidane sé ein af hetjum sínum á knattspyrnuvellinum.

"Ég sagði ekki þessa hluti sem hann heldur fram. Ég vissi heldur ekki að móðir hans væri á spítala. Ég missti sjálfur móður mína þegar ég var ungur og verð enn dapur þegar ég hugsa um það. Ég óska móður hans alls hins besta. Zidane er ein af hetjum mínum á knattspyrnuvellinum og ég hef ætíð dáðst mikið af honum sem leikmanni," sagði Materazzi í yfirlýsingu eftir að viðtalið við Zidane birtist í kvöld.