Erum að reyna að kaupa Cristiano Ronaldo

Forseti spænska knattspyrnufélagsins Valencia segist ætla að gera allt sem í hans valdi stendur til að reyna að lokka portúgalska vængmanninn Cristiano Ronaldo til Spánar frá Manchester United.

"Ég hef alltaf sagt eins og er að það verður mjög erfitt að ná í leikmann eins og Ronaldo, en ekkert er ómögulegt. Við hættum ekki að spyrjast fyrir um hann fyrr en við höfum fengið nokkur nei í röð. Við höfum frest til 31. ágúst til að kaupa hann og þangað til munum við ekki gefast upp," sagði forseti Valencia, sem þegar hefur fengið tvo leikmenn til sín úr ensku úrvalsdeildinni - þá Asier del Horno frá Chelsea og Fernando Morientes frá Liverpool.