Spilaði meiddur á HM

Jens Lehmann hefur gefið það upp að hann hafi spilað meiddur í hverjum einasta leik sínum fyrir hönd Þjóðverja á HM í sumar, því takkaskórnir frá Adidas sem þýsku leikmönnunum hafi verið skipað að spila í, hafi meitt sig.

"Skórnir sem við urðum að spila í meiddu mig og því fann ég fyrir sársauka allt mótið og geri raunar enn," sagði Lehmann. "Það er algjörlega óviðeigandi að skipa mönnum að spila í ákveðnum fatnaði á mótum - þetta á ekki að þekkjast."

Lehmann ákvað að berjast gegn þessari ákvörðun þýska landsliðsins og fékk það í gegn að leikmenn mættu spila í sínum eigin skófatnaði í undankeppni EM sem hefst innan skamms. Hann bætti því við að forráðamenn Arsenal hefðu verið mjög óhressir með fyrirkomulagið hjá þýska landsliðinu.