Rio Ferdinand er klár í slaginn

Steve McClaren hefur staðfest að varnarmaðurinn Rio Ferdinand sé orðinn góður af meiðslum sínum og geti því leikið gegn Makedónum í undankeppni EM á miðvikudaginn. Þær fréttir voru þó að berast úr enska hópnum að þeir Luke Young og Chris Kirkland muni ekki fara með liðinu til Makedóníu vegna meiðsla.

Þessi leikur verður sýndur á sjónvarpsstöðinni Sýn klukkan 21:50 á miðvikudagskvöldið, en leikur Frakka og Ítala verður sýndur beint það kvöldið klukkan 20:10. Þar er auðvitað á ferðinni sannkallaður risaslagur, en þessi lið léku til úrslita á HM í sumar eins og allir vita. Báðir leikir eru liður í undankeppni EM.