Carrick í byrjunarliðinu

Michael Carrick er í byrjunarliði Manchester United sem tekur á móti Tottenham á heimavelli sínum eftir nokkrar mínútur. Carrick kom til Man. Utd. frá Tottenham fyrir tímabilið og var jafnvel talið að Sir Alex Ferguson myndi ekki treysta Carrick til að byrja leikinn.

Pascal Chimbonda er í byrjunarliði Tottenham sem og Egyptinn Hossam Mido en báðir eru þeir nýgengnir til liðsins. Mido kemur inn í liðið á kostnað Jermaine Defoe sem þarf að sætta sig við sæti á bekknum.