West Ham lá á heimavelli

Enska úrvalsdeildarliðið West Ham tapaði í kvöld 1-0 fyrir ítalska liðinu Palermo á heimavelli í Evrópukeppni félagsliða. Argentínumennirnir Carloz Tevez og Javier Mascherano spiluðu sinn fyrsta leik í byrjunarliði Lundúnaliðsins í kvöld, en þó sá fyrrnefndi hafi virkað sprækur, náði hann ekki að afstýra slæmu tapi gegn öguðu og varnarsinnuðu ítalska liðinu.

Andrea Caracciolo skoraði sigurmark Palermo undir lok fyrri hálfleiksins, en besta færi West Ham fékk Marlon Harewood en skot hans hafnaði í stönginni. Enska liðsins bíður því afar erfitt verkefni á Sikiley eftir tvær vikur.