Gríðarlega mikilvægur sigur

Arsene Wenger sagði að þó hans menn í Arsenal hefðu vissulega ekki verið úr leik í baráttunni um meistaratitilinn þó þeir hefðu tapað fyrir Manchester United á Old Trafford í dag, hefði það verið leikmönnum sínum áfall sem erfitt hefði verið að komast yfir.

"Við hefðum kannski ekki verið dottnir úr leik, en ég held að það hefði verið mikið áfall fyrir leikmenn mína ef þeir hefðu tapað í dag. Við stjórnuðum leiknum mjög vel og sköpuðum okkur mörg færi. Mér fannst liðið líta vel út í dag, menn börðust vel og spiluðu fína knattspyrnu," sagði Wenger.