Boa Morte verður frá í sex vikur

Forráðamenn enska úrvalsdeildarliðsins Fulham hafa nú staðfest að portúgalski landsliðsmaðurinn Luis Boa Morte verði frá keppni í sex vikur eins og óttast var í upphafi eftir að hann lenti í samstuði við harðjaxlinn og samherja sinn Heiðar Helguson í leik gegn Tottenham um síðustu viku.

Var það von manna hjá Fulham að leikmaðurinn gæti farið að spila eitthvað fyrr ef hægt væri að smíða á hann hlífðargrímu, en meiðslin eru of alvarleg svo hægt sé að koma því við. Þetta þýðir að Boa Morte er úr leik næsta einn og hálfan mánuðinn - og missir því af leikjum Portúgala við Pólverja og Azera í næsta mánuði.