Baráttan skilaði okkur sigri

Sam Allardyce var að vonum ánægður með sigur sinna manna á Liverpool í dag, en Bolton átti ekki mikið fleiri skot á markið en þau tvö sem rötuðu í netið og færðu liðinu 2-0 sigur. Allardyce sagði sigurinn afrakstur blóðugrar baráttu sinna manna.

"Barátta okkar var einfaldlega of mikið fyrir þá. Mínir menn börðust eins og ljón frá fyrstu mínútu og það fór fljótt í skapið á andstæðingunum, sem fundu engin svör. Mínir menn voru tilbúnir að fórna lífi og limum til að koma í veg fyrir að Liverpool skoraði úr þessum hálffærum sem þeir fengu. Við kunnum að hafa verið heppnir að fá aukaspyrnuna sem færði okkur fyrra markið - en við gátum ekki annað en nýtt okkur það," sagði Allardyce.