Þjálfari Slóvaka segir af sér

Dusan Galis sagði í gærkvöld af sér sem landsliðsþjálfari Slóvakaa eftir að liðið steinlá á heimavelli gegn Þjóðverjum í D-riðli undankeppni EM. Liðið hafði unnið stórsigur á Wales í leiknum á undan og því komu þessi tíðindi nokkuð á óvart.

Talsmaður knattspyrnusambandsins sagði að um sameiginlega ákvörðun hefði verið að ræða, en ekki hefur náðst í þjálfarann sem hefur kosið að tjá sig ekkert um málið. Galis er 56 ára gamall og þjálfaði lið Slovan Bratislava með góðum árangri á tíunda áratugnum.