Sparisjóðir högnuðust um 9,5 milljarða í fyrra

Samanlagður hagnaður sparisjóðanna á Íslandi í fyrra var rúmir 9,5 milljarðar króna. Þetta kom fram á aðalfundi Sambands íslenskra sparisjóða í Borgarnesi í dag. Aðalefni fundarins var staða og framtíðarstefna sparisjóðanna auk hefðbundinna aðalfundarstarfa. Á aðalfundinum var stjórn sambandsins öll endurkjörin en formaður stjórnar er Gísli Kjartansson, sparisjóðsstjóri Sparisjóðs Mýrasýslu. Sparisjóðirnir á Íslandi eru í dag 24 talsins og starfa á 60 stöðum á landinu.