Dyer er í hópnum hjá Newcastle

Meiðslakálfurinn Kieron Dyer verður í leikmannahópi Newcastle sem mætir Portsmouth í enska deildarbikarnum í kvöld og ef hann kemur við sögu í leiknum verður það fyrsti leikur hans í hálft ár. Dyer hefur verið meiddur á læri síðan í apríl.

"Dyer spilaði fyrir luktum dyrum í æfingaleik í gær og sóð sig mjög vel. Eftir að hafa rætt við hann ákvað ég svo að hafa hann í hópnum fyrir bikarleikinn. Ég veit að það er klisja að segja það, en þegar við fáum hann aftur inn í aðalliðið, verður það eins og að fá nýjan leikmann inn í hópinn," sagði Glen Roeder, knattspyrnustjóri Newcastle.